Inda canto!

Proposa de capa para Treixadura
Descargar em alta resoluçom para imprimir (2Mb)

Eis a capa!

Confecionada com três elementos:

    1. Fotografia.
    2. Nome do grupo.
    3. Título.

1. Fotografia

O elemento central (e fundamental) da capa é a fotografia do grupo, construida seguindo os passos propostos no dossier pre-sessão.

De entre todas as fotos tiradas na sessom, escolhemos esta por, em palavras de Mar:

ter unha composición máis dinámica que as outras, hai varias diagonais que compoñen os músicos que indican avance, ir cara diante, pero ao mesmo tempo a xestualidade doutros músicos rompe ese movemento creándose unha harmonía na composición de miradas. No primeiro termo da imaxe, tanto de cor como de vestimenta, como de presenzas, está equilibrada: xuventude, muller e experiencia. En canto ao tema do ceo, mudeino co fin de outorgarlle un dinamismo (e profundeza) maior á imaxe.

A fotografia transmite calma e otimismo. É luminosa, mas sem estridências, com cores pasteis (areia, céu, pele d@s músic@s). A distribuçom do grupo nom é plana, tem profundeza. Esta profundeza é ampliada polo céu azul e as nuvens que se perdem no horizonte. As nuvens som nuvens brancas, das que precedem o bom tempo quando o vento vira ao nordês. No grupo há quem sorri, outros fitam ao longe tranquilos. Os trajes destacam bem sobre da areia. Moitas das faixas estam visíveis e delas podemos tirar umha paleta de pasteis para usarmos noutros elementos

Paleta de cores

2. Nome do grupo

O nome do grupo vai com um lettering digital, imitando umhas pinceladas com óleo (explorando a via expressionista). Com ele, seguindo a linha de evitarmos estridências, procuramos criar um elemento que destaque mas que se ajeite à foto forma suave.

A partires dele, podemos pular do fio e desenvolver um estilo próprio para os outros elementos do disco, sem dependermos somente das imagens da sessom. Criando outros letterings para os títulos das cançons, utilizando fundos brancos para as letras e textos e sempre usando cores suaves dentro da gama de pasteis escolhida

Lettering de "Treixadura"
Detalhe das pinceladas (digitais)

3. Título

Para o título continuamos com outro lettering, mais singelo e expressivo. Numha espécie de cursiva a mão que chama a acçom.

Na capa vai em branco para destacar sobre o azul do céu, mas tamém lhe podemos aplicar cor e textura, para usarmos como título da cançom no libreto, por exemplo.

Lettering do título (inda canto!)
Lettering do título

Neste ponto baralhamos usarmos umha tipografia estándar, que perderia a força da cursiva à mão, mas ganharia em contraste com o lettering do nome do grupo.

Umha outra proposta de capa
Umha outra versom, com o título em tipografia estándar

No exemplo de cima, o título vai por cima à direita, sobre o céu azul. Gostamos desta disposiçom pois racha a simetria central dos elementos e dá-lhe um pontinho diferente.

A tipografia elegida é a Geomanist, dos tipógrafos Atipo (vizinhos asturianos). Umha fonte contemporânea, bem construida e bonita que provavelmente seja a que usemos para os textos do libreto, mas essa é outra história 😉